ఇది ఏమిటో నువ్వే చెప్పు...

ఇది చిత్రమేనా అని అనుకోకు
నాకు తెలుసు
రవి వర్మ చిత్రంలో సజీవత
పికాసో చిత్రంలో కళ్ళు చెదిరే అందాలు
దీనిలో కనిపించదు.,
ఇదీ ఒక కవితేనా అని అనుకోకు
శ్రీనాధుని శృంగార రసము,
కాళిదాసు గంభీర పదజాలము
నా కలమునకు రాదు.,
రవీంద్రుని భావుకత వెతికినా కనిపించదు.,
శ్రీ శ్రీ గుండెను రగిల్చే ఆవేశం
మచ్చుకు కుడా ఉండదు.,
తిలక్, కృష్ణశాస్త్రి కవితలోని
అందాలు, సౌకుమార్యాలు నాకు రానే రావు.,
ఏదో మనసులో కలిగే భావం
దీనికి ఏ పేరు పెడతావో నీ ఇష్టం..,
కనులు మూసుకుంటే కనిపించే చిత్రం
అది చిత్రమో కాదో నువ్వు చూస్తే కాని తెలియదు..,
నా కలలకు రూపం నా చిత్రం
నా మనసులోని భావం ఈ కవిత్వం ! ! !