తొలి పొద్దుల్లో వేకువవై
నిదురించిన మదికి మేలుకొలుపువౌతావు..
సుప్రభాత వేళల్లో
మంచు బిందువును తాకిన తొలి కిరణంలా
వింత మెరుపులు చిందుతావు..
కుహు కుహూల సంగీతమై
గుండె గొంతుకలో పలుకరిస్తావు..
చిగురించే చిరు చిరు ఆశలకు
రెక్కలు తొడుగుతావు..
గతించిన నిన్నని కాలానికి వదిలేయమని
మనసులోని భావాలకు
కొత్త సొబగులద్దిన ఈ తరుణాన.,
నీ పలకరింపు నాకు ఇంకో
ఉగాది అయింది మిత్రమా ! ! !