Search This Blog

Saturday, August 4, 2012

తేనెలూరే నవ్వునై..


రెమ్మ రెమ్మకు నేనే రాగాలు చిలికిస్తానని
మెల్ల మెల్లగా వీచే ఆ పిల్ల గాలులకు 
పరిమళ గంధాలు అద్దుతానని
ఝుమ్మను నాదాల కొంటె తుమ్మెదకు
కమ్మని తేనెల వలపునని
మదిలో ఏవేవో ఆలాపనలు సేయుచుండ.,
చటుక్కున కొమ్మల వెనుక దాగిన
నీ మోముని చూసి అచ్చెరువొంద.,
అరవిరిసిన అందాలతో ఆ రెమ్మ నుండి విడివడి 
గుబాళించిన పువ్వునే.,
ఆ ముద్దొచ్చే పెదవులపై 
నీ నవ్వునైపోయా..!!


ఈ నవ్వుల పువ్వులు మీ పెదవులపై ఎప్పుడూ విరబూయాలని కోరుకుంటూ బ్లాగు మిత్రులందరికీ హృదయపూర్వక ఫ్రెండ్ షిప్ డే "సుభా"కాంక్షలు..