మదిలో ఏదో ఏదో
అలజడి మొదలయ్యింది
కనులను కలిసిన కల ఏదో
నీ కబురే తెలిపింది
నిను చూసిన ఆ క్షణమే
నను మరిచే మరి మనసే
నిను కలిసిన ప్రతి కలలో
కలిగిందీ కలవరమే
ఆశలు ఆకాశపు అంచులు తాకి ఎగసినవో
ఆమని ఆనందపు చిగురులు తొడిగి మురిసినదో
వయసుకు తొలిసారి గుండెలో చప్పుడు తెలిసినదో
వేకువ తలపుల్లో వలపుకు తలుపును తెరిచినదో
ఏమో ఏమైందో
నా ఊహ నిన్ను చేరే వేళ
మనసుల తోటల్లో నీ రాకే తుమ్మెద పిలుపో
విరిసిన పువ్వుల్లో నీ నవ్వే తేనెల చినుకో
అడుగులు నీ వైపే పదపదమంటూ తరిమినవో
అలుపన్నది లేని తలపుకు నీవే ఎద సడివో
ఏమో ఏమౌనో
నా ఊపిరే నువు రాకుంటే
మదిలో ఏదో ఏదో
అలజడి మొదలయ్యింది
కనులను కలిసిన కల ఏదో
నీ కబురే తెలిపింది
